ଯୁବକଙ୍କୁ ହାଣିବା ଘଟଣାର ପାଞ୍ଚ ଘଣ୍ଟା ଭିତରେ ଅଭିଯୁକ୍ତ ଜଗାକୁ ଏନକାଉଣ୍ଟର

ରବିବାର ରାତି 9ଟାରେ ଅମ୍ବିକା ନଗରରେ ଜଣେ ଯୁବକଙ୍କୁ ଅପରାଧୀ ମାନେ ହାଣିଥିଲେ। ଭିଡିଓ ଭାଇରଲ ହେବାର ପାଞ୍ଚ ଘଣ୍ଟା ଭିତରେ ଅଭିଯୁକ୍ତ ଜଗା ସାହୁକୁ ଏନକାଉଣ୍ଟର କରିଛି ପୁଲିସ। ଅଭିଯୁକ୍ତର ଦୁଇ ଆଣ୍ଠୁରେ ବାଜିଛି ଗୁଳି। ଗତକାଲିର ଘଟଣା ପରେ ଅଭିଯୁକ୍ତ ଜଗା ଫେରାର ଥିଲା। ବାଉରୀ ସୁକୁଣ୍ଡାରେ ସେ ଥିବା ସୁରାକ ପାଇ ପୁଲିସ ଟିମ ଚଢ଼ାଉ କରିଥିଲା। ପୁଲିସ ଟିମ ପହଂଚିବା ପରେ ଜଗା ବୋମା ଫିଙ୍ଗି ଖସିଯିବାକୁ ଉଦ୍ୟମ କରିଥିଲା। ପୁଲିସର ପାଲଟା ଗୁଳି ଚାଳନାରେ ଜଗା ଆହତ ହୋଇଛି। ତାକୁ MKCG ରେ ଭର୍ତ୍ତି କରାଯାଇଛି। ଏଏସପି ଆଲୋକ କୁମାର ଜେନା ଓ ଏସଡିପିଓ ପ୍ରିୟସ ଛୋଟରାୟ ପହଂଚି ସ୍ଥିତି ଅନୁଧ୍ୟାନ କରିଥିଲେ। ଗତକାଲିର ଘଟଣା ପରେ ବ୍ରହ୍ମପୁର ଏସପି ଗମ୍ଭୀରତାର ସହ ନେଇ ଅଭିଯୁକ୍ତଙ୍କୁ ଧରିବାକୁ ନିର୍ଦେଶ ଦେଇଥିଲେ।