ପାରଳାଖେମୁଣ୍ଡିର ସାମଗ୍ରିକ ବିକାଶ ଓ ଜନସମସ୍ୟାର ସ୍ଥାୟୀ ସମାଧାନ ପାଇଁ ମାନ୍ୟବର ମୁଖ୍ୟମନ୍ତ୍ରୀଙ୍କୁ ସାଂସଦ ଡକ୍ଟର ପ୍ରଦୀପ କୁମାର ପାଣିଗ୍ରାହୀଙ୍କ ଦାବିପତ୍ର

​ତାରିଖ: ୦୨ ଅକ୍ଟୋବର, ୨୦୨୬ସ୍ଥାନ: ପାରଳାଖେମୁଣ୍ଡି / ବ୍ରହ୍ମପୁର​ଐତିହାସିକ ପାରଳାଖେମୁଣ୍ଡିର ସାମଗ୍ରିକ ବିକାଶ ଓ ଜନସମସ୍ୟାର ସ୍ଥାୟୀ ସମାଧାନ ପାଇଁ ମାନ୍ୟବର ମୁଖ୍ୟମନ୍ତ୍ରୀଙ୍କୁ ସାଂସଦ ଡକ୍ଟର ପ୍ରଦୀପ କୁମାର ପାଣିଗ୍ରାହୀଙ୍କ ଦାବିପତ୍ର ​୨୦୦ ବଖରା ବିଶିଷ୍ଟ ଆଧୁନିକ ମାର୍କେଟ କମ୍ପ୍ଲେକ୍ସର ତୁରନ୍ତ ନିର୍ମାଣ ଓ ୧୧୧ ଜଣ ଉଠା ଦୋକାନୀଙ୍କୁ ପ୍ରାଥମିକ ଥଇଥାନ ଦାବି​୨୦୧୭-୧୮ରୁ ଅଟକି ରହିଥିବା ରିଙ୍ଗ ରୋଡ୍ ଏବଂ ବାଇପାସ୍ ରୋଡ୍ କାର୍ଯ୍ୟ ତୁରନ୍ତ ସମ୍ପୂର୍ଣ୍ଣ କରିବା ପାଇଁ ପୂର୍ତ୍ତ ଓ ନଗର ଉନ୍ନୟନ ବିଭାଗ ମଧ୍ୟରେ ସମନ୍ୱୟ ଲୋଡ଼ା​ପ୍ରବଳ ଗ୍ରୀଷ୍ମ ପ୍ରବାହ ଓ ଜଳବାୟୁ ସନ୍ତୁଳନ ଲାଗି ରାମ ସାଗର, ସୀତା ସାଗର ଓ କୃଷ୍ଣ ସାଗରର ପୁନରୁଦ୍ଧାର​ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନର ପ୍ରାଣକେନ୍ଦ୍ର ଥିବା ଗଜପତି ରାଜପ୍ରାସାଦର ସଂରକ୍ଷଣ ଓ ପାରଳାଖେମୁଣ୍ଡି ରେଳ ଷ୍ଟେସନକୁ ମହାରାଜାଙ୍କ ନାମରେ ନାମିତ କରିବାକୁ ଅନୁରୋଧ​ପୌରପାଳିକାରେ ତୁରନ୍ତ ମ୍ୟୁନିସିପାଲିଟି ଇଞ୍ଜିନିୟର (ME) ଏବଂ ଜୁନିୟର ଇଞ୍ଜିନିୟର (JE) ନିଯୁକ୍ତି ଦାବି​ପାରଳାଖେମୁଣ୍ଡି:ଐତିହାସିକ ପାରଳାଖେମୁଣ୍ଡି ପୌରପାଳିକାର ଦୀର୍ଘ ଦିନର ଜନସମସ୍ୟା, ଟ୍ରାଫିକ ସମସ୍ୟାର ସ୍ଥାୟୀ ସମାଧାନ, ଅଟକି ରହିଥିବା ରିଙ୍ଗ ରୋଡ୍ କାର୍ଯ୍ୟ ଏବଂ ସହରର ଐତିହ୍ୟ ସଂରକ୍ଷଣ ନିମନ୍ତେ ବ୍ରହ୍ମପୁର ସାଂସଦ ଡକ୍ଟର ପ୍ରଦୀପ କୁମାର ପାଣିଗ୍ରାହୀ ରାଜ୍ୟର ମାନ୍ୟବର ମୁଖ୍ୟମନ୍ତ୍ରୀ ତଥା ନଗର ଉନ୍ନୟନ ମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀଙ୍କୁ ଏକ ବିସ୍ତୃତ ଦାବିପତ୍ର ପ୍ରଦାନ କରିଛନ୍ତି। ​ଗତକାଲି ପାରଳାଖେମୁଣ୍ଡି ପୌରପାଳିକା ପରିଷଦ ବୈଠକରେ ପୌରାଧ୍ୟକ୍ଷା, ସମସ୍ତ କାଉନସିଲର, ସ୍ଥାନୀୟ ବୁଦ୍ଧିଜୀବୀ ଓ ଜନସାଧାରଣଙ୍କ ସହିତ ହୋଇଥିବା ବିସ୍ତୃତ ଆଲୋଚନା ଆଧାରରେ ସାଂସଦ ଏହି ପଦକ୍ଷେପ ଗ୍ରହଣ କରିଛନ୍ତି। ​ସାଂସଦ ଡକ୍ଟର ପାଣିଗ୍ରାହୀ ନିଜ ପତ୍ରରେ ଉଲ୍ଲେଖ କରିଛନ୍ତି ଯେ, ୧୮୮୫ ମସିହାରେ ଗଜପତି ମହାରାଜାଙ୍କ ପ୍ରତ୍ୟକ୍ଷ ଉଦ୍ୟମରେ ୧୬ ଗୋଟି ୱାର୍ଡକୁ ନେଇ ଗଠିତ ପାରଳାଖେମୁଣ୍ଡି ମ୍ୟୁନିସିପାଲିଟି ଦେଶ ତଥା ରାଜ୍ୟର ଅନ୍ୟତମ ପ୍ରାଚୀନ ପୌରସଂସ୍ଥା। ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନର ମୁଖ୍ୟ ବିନ୍ଧାଣୀ ତଥା ରାଜ୍ୟର ପ୍ରଥମ ପ୍ରଧାନମନ୍ତ୍ରୀ (ପ୍ରିମିୟର) ମହାରାଜା ଶ୍ରୀ କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ଅତୁଳନୀୟ ତ୍ୟାଗ ଓ ଅବଦାନ ସତ୍ତ୍ୱେ ଏହି ଐତିହାସିକ ସହର ଆଜି ମୌଳିକ ଭିତ୍ତିଭୂମି ଓ ପ୍ରଶାସନିକ ସମନ୍ୱୟର ଅଭାବରୁ ଅବହେଳିତ ଅବସ୍ଥାରେ ରହିଛି।​ଦାବିପତ୍ରର ପ୍ରମୁଖ ବିନ୍ଦୁସମୂହ: ​୧. ୨୦୦ ବଖରା ବିଶିଷ୍ଟ ଆଧୁନିକ ମାର୍କେଟ କମ୍ପ୍ଲେକ୍ସ:ସହରର ତୀବ୍ର ଟ୍ରାଫିକ ସମସ୍ୟାର ସ୍ଥାୟୀ ସମାଧାନ ଏବଂ ସଡ଼କ କଡ଼ରେ ବ୍ୟବସାୟ କରୁଥିବା ପୌରପାଳିକା ଅଧୀନସ୍ଥ ୧୧୧ ଜଣ ଦୋକାନୀଙ୍କ ଜୀବନଜୀବିକା ଓ ପୌର ରାଜସ୍ୱ ସୁରକ୍ଷା ପାଇଁ ତୁରନ୍ତ ଏକ ସର୍ବସୁବିଧାସମ୍ପନ୍ନ ୨୦୦ ବଖରା ବିଶିଷ୍ଟ ଆଧୁନିକ ବ୍ୟବସାୟିକ କେନ୍ଦ୍ର ନିର୍ମାଣ କରାଯାଉ। ନିର୍ମାଣ ପରେ ଉକ୍ତ ୧୧୧ ଜଣ ଦୋକାନୀଙ୍କୁ ପ୍ରାଥମିକତା ଭିତ୍ତିରେ ଏଠାରେ ଥଇଥାନ କରି ସହରର ରାସ୍ତା ସମ୍ପ୍ରସାରଣକୁ ସୁଗମ କରାଯାଉ।​ ୨. ଅଟକି ରହିଥିବା ରିଙ୍ଗ ରୋଡ୍ ଓ ବାଇପାସ୍ କାର୍ଯ୍ୟ:ବର୍ଷ ୨୦୧୭-୧୮ ମସିହାରେ ଅଗ୍ନିଶମ କେନ୍ଦ୍ର ନିକଟରୁ ପ୍ରାୟ ୫ କିଲୋମିଟର ପର୍ଯ୍ୟନ୍ତ ପାରଳାଖେମୁଣ୍ଡି ରିଙ୍ଗ ରୋଡ୍ ନିର୍ମାଣ ପାଇଁ ମଞ୍ଜୁରୀ ମିଳିଥିଲା ଏବଂ କେତେକ ଜମିହରା ଲୋକ କ୍ଷତିପୂରଣ ମଧ୍ୟ ପାଇସାରିଛନ୍ତି। ଏହାର ଟେଣ୍ଡର ବଳବତ୍ତର ଥିବା ସତ୍ତ୍ୱେ କାର୍ଯ୍ୟ ବନ୍ଦ ରହିବା ଯୋଗୁଁ ଜନସାଧାରଣଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ବର୍ତ୍ତମାନ ରିଙ୍ଗ ରୋଡ୍ ଏବଂ ବାଇପାସ୍ ରୋଡ୍ ପୂର୍ତ୍ତ ବିଭାଗ (Works Department) ଅଧୀନରେ ଥିବା ବେଳେ ୧୧୧ ଗୋଟି ଦୋକାନ ଜମି ନଗର ଉନ୍ନୟନ ବିଭାଗ (H&UD) ଅଧୀନରେ ରହିଛି। ତେଣୁ ବିଭାଗୀୟ ପରିସୀମା ବିବାଦ ଦୂର କରି କାର୍ଯ୍ୟ ଆଗେଇ ନେବା ପାଇଁ ଉଭୟ ବିଭାଗ ମଧ୍ୟରେ ତୁରନ୍ତ ଉଚ୍ଚସ୍ତରୀୟ ସମନ୍ୱୟ ବୈଠକ ଡକାଯାଉ।​ ୩. ରାମ ସାଗର, ସୀତା ସାଗର ଓ କୃଷ୍ଣ ସାଗରର ପୁନରୁଦ୍ଧାର:ପାହାଡ଼ ଘେରା ପାରଳାଖେମୁଣ୍ଡି ସହରରେ ଗ୍ରୀଷ୍ମ ଋତୁରେ ପ୍ରବଳ ଉତ୍ତାପ ଅନୁଭୂତ ହୋଇଥାଏ। ତେଣୁ ପରିବେଶ ଓ ଜଳବାୟୁ ସନ୍ତୁଳନ, ଭୂତଳ ଜଳସ୍ତର ବୃଦ୍ଧି, ପାର୍ଶ୍ୱବର୍ତ୍ତୀ ଅଞ୍ଚଳରେ ବହୁମୁଖୀ ଜଳସେଚନ ଏବଂ ପର୍ଯ୍ୟଟନର ବିକାଶ ପାଇଁ ଐତିହାସିକ ରାମ ସାଗର, ସୀତା ସାଗର ଓ କୃଷ୍ଣ ସାଗରର ପଙ୍କୋଦ୍ଧାର, ବନ୍ଧ ସୁଦୃଢ଼ୀକରଣ ତଥା ସାମଗ୍ରିକ ସୌନ୍ଦର୍ଯ୍ୟକରଣ କରାଯାଉ।​ ୪. ଗଜପତି ରାଜପ୍ରାସାଦର ସଂରକ୍ଷଣ ଓ ଉପଯୁକ୍ତ ବ୍ୟବହାର:ସ୍ୱତନ୍ତ୍ର ଓଡ଼ିଶା ଗଠନର ଐତିହାସିକ ସ୍ମୃତି ବହନ କରୁଥିବା ଗଜପତି ରାଜପ୍ରାସାଦଗୁଡ଼ିକର ବୈଜ୍ଞାନିକ ପଦ୍ଧତିରେ ସଂରକ୍ଷଣ କରାଯାଇ ଏହାକୁ ସାଂସ୍କୃତିକ କେନ୍ଦ୍ର ତଥା ଐତିହ୍ୟ ପର୍ଯ୍ୟଟନ ସ୍ଥଳୀ ଭାବେ ରୂପାନ୍ତରିତ କରାଯାଉ।​ ୫. ପାରଳାଖେମୁଣ୍ଡି ରେଳ ଷ୍ଟେସନର ନାମକରଣ:ଓଡ଼ିଶାର ଜନଭାବନାକୁ ସମ୍ମାନ ଜଣାଇ ପାରଳାଖେମୁଣ୍ଡି ରେଳ ଷ୍ଟେସନକୁ “ମହାରାଜା କୃଷ୍ଣଚନ୍ଦ୍ର ଗଜପତି ରେଳ ଷ୍ଟେସନ” ଭାବେ ନାମିତ କରିବା ପାଇଁ ରାଜ୍ୟ ସରକାର କେନ୍ଦ୍ର ରେଳ ମନ୍ତ୍ରଣାଳୟ ନିକଟକୁ ସୁପାରିଶ ପଠାନ୍ତୁ। ​୬. ଇଞ୍ଜିନିୟରିଂ ପଦବୀ ପୂରଣ:ପୌରାଞ୍ଚଳରେ ଉନ୍ନୟନମୂଳକ କାର୍ଯ୍ୟ ଠିକ୍ ସମୟରେ ସମ୍ପାଦନ କରିବା ପାଇଁ ଖାଲି ପଡ଼ିଥିବା ମ୍ୟୁନିସିପାଲିଟି ଇଞ୍ଜିନିୟର (ME) ଏବଂ ଜୁନିୟର ଇଞ୍ଜିନିୟର (JE) ପଦବୀରେ ତୁରନ୍ତ ଅଧିକାରୀ ନିଯୁକ୍ତି କରାଯାଉ। ​୭. ସ୍ୱତନ୍ତ୍ର ବିକାଶ ପ୍ୟାକେଜ୍:ପାରଳାଖେମୁଣ୍ଡିକୁ ଏକ ପୂର୍ଣ୍ଣାଙ୍ଗ ଆଧୁନିକ ସହରରେ ପରିଣତ କରିବା ସହ ସ୍ଥାନୀୟ ଯୁବକଯୁବତୀମାନଙ୍କ ପାଇଁ ଦକ୍ଷତା ବିକାଶ ଓ ନିଯୁକ୍ତି ସୁଯୋଗ ସୃଷ୍ଟି କରି ଦେଶାନ୍ତର ରୋକିବା ପାଇଁ ଏକ ସ୍ୱତନ୍ତ୍ର ଆର୍ଥିକ ପ୍ୟାକେଜ୍ ମଞ୍ଜୁର କରାଯାଉ।​ ସାଂସଦ ଡକ୍ଟର ପାଣିଗ୍ରାହୀ ଆଶା ପ୍ରକାଶ କରିଛନ୍ତି ଯେ ଲୋକଙ୍କ ଏହି ଯଥାର୍ଥ ଓ ଦୀର୍ଘ ଦିନର ଦାବି ପ୍ରତି ମାନ୍ୟବର ମୁଖ୍ୟମନ୍ତ୍ରୀ ବିଶେଷ ଦୃଷ୍ଟି ଦେଇ ଖୁବ୍ ଶୀଘ୍ର ପ୍ରଶାସନିକ ନିର୍ଦ୍ଦେଶ ଜାରି କରିବେ।